काठमाडौं, १८ कात्तिक– दुई चरणमा गरी आगामी मंसिर १० र २१ गते हुने प्रदेश तथा प्रतिनिधिसभा सदस्य निर्वाचनका लागि समानुपातिक निर्वाचन प्रणालीअन्तर्गतका उम्मेदवारको बन्दसूची शुक्रवार सार्वजनिक गरिएको छ ।

गत असोज २९ गते दलहरुले समानुपातिक निर्वाचन प्रणाली अन्तर्गत उम्मेदवारहरुको बन्दसूची निर्वाचन आयोगमा पेश गरेका थिए । आयोगले शुक्रवार साँझ उक्त बन्दसूची सार्वजनिक गरेको हो ।

प्रतिनिधिसभा तथा प्रदेशसभा निर्वाचनका लागि निर्वाचन आयोगमा ८८ दलहरूमध्ये समानुपातिक निर्वाचन प्रणालीतर्फ प्रतिनिधिसभा सदस्यका लागि ४९ दलले उम्मदेवारी दिएका छन् । प्रतिनिधिसभातर्फ ११० जना सांसदहरु समानुपातिक आधारमा चुनिने छन् ।

प्रमुख दलमध्येको नेकपा माओवादी केन्द्रले समानुपातिकतर्फका उम्मेदवारका लागि बुझाएको सूचीमा गाउँपालिकाको अध्यक्षमा हारेका व्यक्तिदेखि विवादित लार्क्याल लामासम्म अटेका छन् ।

माओवादीले निर्वाचन आयोगमा पेश गरेको सूचीमा गत असार १४ गते दोस्रो चरणमा सम्पन्न स्थानीय तह निर्वाचनमा डडेल्धुराको आलीताल गाउँपालिकाको अध्यक्षमा पराजित केन्द्रीय सचिवालय सदस्य जगत पार्कीको नाम पनि परेको छ । माओवादीले पार्कीको नाम सूचीको ९४ औं नम्बरमा राखेको छ ।

माओवादीको बन्द सूचीमा विवादित व्यक्ति लार्क्याल लामा पनि परेका छन् । उनको नाम सूचीको ५६ औं नम्बरमा छ ।

लामामाथि अकुत सम्पत्ति आर्जन गरेको छानविन गर्ने क्रममा उनको बैंक लकरमा १४ थान गोली परेको थियो । उनीमाथि नेपाल, चीन र भारत गरी तीन देशको नागरिकता रहेको पनि आरोप लाग्ने गरेको छ ।

यी हुन् प्रतिनिधिसभा सदस्यका लागि माओवादीका समानुपातिक उम्मेदवारहरू, 

---

---