×

X
Dabur
Nic Asia
Marvel

सम्पादकीय

आफ्नो र अरूको जीवन जोगाउन फेरि एकपटक नागरिक सचेत बन्नुपर्ने समय

काठमाडाैं | बैशाख १४, २०७८

TVS INSIDE

मानव सभ्यतालाई चुनौती दिइरहेको कोरोनाभाइरस कोभिड–१९ को दोस्रो लहरले नेपाललाई फेरि सन्त्रस्त बनाएको छ ।

IME BANK INNEWS

खुला सीमा रहेको छिमेकी भारतमा डढेलो जस्तै फैलिएको कोरोना महामारीको फिलिङ्गा नेपालमा पनि यत्रतत्र छरिएको छ ।


Advertisment
NMB BANK
RMC TANSEN
Saurya island

स्थितिलाई भयावह हुन नदिन सरकारले काठमाडौं उपत्यका लगायत संक्रमण फैलिरहेका जिल्लामा दुईदिनको समय दिएर निषेधाज्ञा लगाउने निर्णय गरिसकेको छ । 

पूर्ण रूपमा खोप तयार भइनसकेको तथा प्रयोगमा आएका खोप पनि परीक्षणमै रहेकाले भौतिक दूरी कायम गर्ने, मास्क लगाउने, हात धुने र भीडभाडमा नजाने लगायत स्वास्थ्य प्रोटोकल पालना गर्नु नै यसबाट जोगिने उपाय हो । तर, हामी नेपालीलाई नीति नियम नमान्ने र सरकारको आग्रह उल्लंघन गर्नु बहादुरी जस्तो लाग्छ । कोरोनाको महामारी नियन्त्रणमा आइनसकेको समयमा ठूल्ठूला भोज भतेर गरेर ठाँट र रवाफ देखाउन प्रतिस्पर्धा नै भयो । 

Vianet communication
Maruti inside

ढिलासुस्ती हाम्रो सरकारी संयन्त्रका पर्याय नै हुन्, कोरोनाका लागि पूर्वतयारी शून्यजस्तै छ । राज्य संयन्त्र कमजोर फितलो भयो भन्दै आमनागरिकहरू आफ्नो कर्तव्य र दायित्वबाट बिमुख बन्न मिल्दैन । प्रार्थना गरौं, भारतमा जस्तो स्थिति नेपालमा आउने छैन । भारतमा जस्तो भयावह भयो भने नेपालको स्वास्थ्य संरचनाले थाम्न सक्ने छैन । त्यसको शुरूआती लक्षण नेपालगञ्जमा देखिइसकेको छ ।

कोरोनाको संकट भयावह भयो भने सर्वसाधारणले अस्पतालमा बेड नपाउने स्थिति बन्न सक्छ । त्यो स्थिति निम्तिन नदिने भूमिका भने सर्वसाधारण जनताको हातमा छ । जनताले लापरवाही गरेमा अस्पतालबाहिर छट्पटाउनुको विकल्प हुने छैन ।

व्यक्तिगत रूपमा अपनाउने सावधानीले, स्वयं व्यक्ति, परिवार र समाजलाई सुरक्षित गर्छ । कोरोनाको चेन ब्रेक गर्नका लागि व्यक्तिगत सावधानी नै अहिलेका लागि सबैभन्दा ठूलो उपाय हो ।

कोरोना संकट शुरू भएको समयमा गतवर्ष पनि हामीले सम्पादकीयमार्फत नागरिकलाई स्वयं सचेत हुन अपिल गरेका थियौं । गतवर्ष दिइएको उदाहरण यसपटक पनि सान्दर्भिक हुन सक्छ, सन् २००८ मा भूकम्पपछिको सुनामीले फुकुसीमा आणविक भट्टीमा क्षति पुर्‍याइदिएपछि जापान सरकारले सर्वसाधारणलाई विद्युतीय उपकरण सकेसम्म कम प्रयोग गर्न आग्रह गर्‍यो ।

सरकारको आग्रहलाई सर्वसाधारणले यसरी समर्थन गरे कि प्रमुख विद्युत् उत्पादन गृह बन्द हुँदा पनि विद्युत् आपूर्तिमा कुनै समस्या आएन । संकटका बेला जापानी नागरिकहरूले राज्यलाई गर्ने सहयोग सचेत नागरिकको अनुपम उदाहरण हो । 

संकटको समयमा नागरिकले देखाउनुपर्ने भूमिका यस्तो हो, कोरोनाले संसारलाई हल्लाइरहेको समयमा सर्वसाधारण जनताले आफू अनुशासनमा बस्दा पनि धेरैलाई जोगाउन सक्छन् । दण्डहीनताले गुज्रिएको हाम्रो मुलुकमा समाजका अगुवाहरू नै प्रशासनले निषेध गरेका काम गर्दा आफूलाई प्रभावशाली ठान्छन् । तर कोरोनाको भाइरसले ठूलो सानो भन्दैन, धनी गरीब चिन्दैन । 

कोरोना संक्रमणको चेन ब्रेक गर्नका लागि सरकारले निषेधाज्ञामार्फत भीडभाड कम गर्ने पहलकदमी लिएको छ । यस्ता निषेधाज्ञा, लकडाउन या बन्दले अर्थतन्त्रमा पार्ने क्षतिको अनुमान गर्न सकिँदैन । परन्तु जनताको जीवन जोगाउने कुरा अन्य कुरासँग तुलना हुँदैन ।

कोरोना संक्रमणलाई थप फैलिन नदिन नेपाल चिकित्सक संघले बढी प्रभावित भएको क्षेत्रमा स्वास्थ्य संकटकाल लगाउने लगायत ११ बुँदे सुझाव दिएको छ । चिकित्सक संघले सर्वसाधारणसँग समेत ५ बुँदे अपिल गरेको छ ।

चिकित्सक संघको सुझाव समेतलाई मध्यनजर गर्दै अस्पतालहरूमा बेडको संख्या बढाउने, अक्सिजन लगायत आवश्यक मेडिकल सामग्रीको जोहो गर्ने काममा सरकार अग्रसर हुन जरुरी छ । सरकार र नागरिक दुवैले आफ्नो कर्तव्य र दायित्व इमानदारी साथ पूरा गर्दा कोरोनाको महामारीलाई जित्न सकिन्छ ।

 

TATA Below
NLIC
असार ६, २०७९

आम उपभोक्तालाई चर्को मार पर्नेगरी नेपाल आयल निगमले आइतवार राति इन्धनमा एकैपटक भारी मूल्यवृद्धि गरेको छ । मध्यरातमा गरिएको निर्णयपछि पेट्रोलको मूल्य प्रतिलिटर २ सय रुपैयाँनजिक पुगेको छ । एकैपटक २१ रुपैया...

चैत २, २०७८

प्रधानन्यायाधीश चोलेन्द्र शमशेर जबराविरुद्ध प्रतिनिधि सभामा विचाराधीन महाभियोग प्रस्तावमाथि सभामुखले छलफलका लागि मिति समेत तोकिसकेको अवस्थामा सरकारले प्रतिनिधि सभाको अधिवेशन अन्त्य गरिदिएको छ ।  मन्त्रिप...

बैशाख २४, २०७९

लोकान्तर सञ्चार प्रालिद्वारा सञ्चालित लोकान्तर डट्कम (Lokantar.com) आजदेखि सातौं वर्षमा प्रवेश गरेको छ । यस अवसरमा हामी सबैभन्दा पहिला देश तथा विदेशमा रहनुहुने तपाईं आम पाठकप्रति शीर झुकाउन चाहन्छौं । लोकान्तरप्...

जेठ १३, २०७९

सर्वोच्च अदालतका आदेश/फैसला सितिमिति विवादमा आउँदैनन्, सर्वसाधारणले टिप्पणी गर्दैनन् । तर पछिल्लो समय अदालतका आदेशमा व्यापक जनगुनासो बढ्न थालेको छ । अदालतका आदेश विवादमा तानिन थालेको एउटा उदाहरण हो, निजगढ वि...

असार २९, २०७९

देशको अर्थतन्त्रलाई ‘गाइड’ गर्ने निकाय नेपाल राष्ट्र बैंकका गभर्नर महाप्रसाद अधिकारी गम्भीर विवादमा तानिएका छन् । तटस्थ रहनुपर्ने र संवेदनशील निकायको प्रमुख रहेका अधिकारी कुनै राजनीतिक दलको सदस्य ...

जेठ ९, २०७९

भर्खरै सम्पन्न चुनावको नतिजा बिर्साउने गरी सरकारले इन्धनमा फेरि भारी मूल्यवृद्धि गरेको छ ।  देश स्थानीय तह चुनावको नतिजाले रंगीन बनिरहेको समयमा भएको मूल्यवृद्धिबाट जनता ब्याकुल बनेका छन् ।  आइत...

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

उच्च शिक्षामा सुधारको प्रश्न : मानव पूँजी निर्माणका लागि यसरी सुधार्नुपर्छ पाठ्यक्रम

साउन ३०, २०७९

शिक्षा सामाजिक रूपान्तरण र आर्थिक समृद्धिको मेरुदण्ड हो । ज्ञान, सीप, संस्कार र स्वभाव निर्माण तथा परिस्कार शिक्षाका कार्य हुन् । नेपालको शिक्षा प्रणाली गुरुकूल हुँदै आधुनिक बहुविश्वविद्यालयको युगमा छ । तर उच्च शिक्ष...

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

नेपाली अर्थतन्त्रमा जरो गाडेको पैतृक पूँजीवाद र हाम्रो भविष्य

साउन २९, २०७९

‘हामी फेरि पैतृक पूँजीवादको बाटोमा फर्किरहेका छौं । जहाँ अर्थव्यवस्थाको लगाम केवल सम्पत्तिवालाहरूको हातमा मात्र होइन, बरू विरासतमा प्राप्त सम्पत्तिका मालिकहरूको हातमा हुनेछ । जहाँ तपाईंको जन्म, तपाईंको म...

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

३०० वर्षको इतिहासमा बेलायतका ५७ प्रधानमन्त्री– वालपोलदेखि जोनसनसम्म

साउन २६, २०७९

बेलायतको आधुनिक राजनीतिक इतिहासमा धेरै नेताहरू लामो समयसम्म प्रधानमन्त्री वा पार्टीको नेता भएको देखिँदैन । सत्तापक्ष मात्रै होइन, कुनै पनि पार्टीको प्रमुखबाट एकपटक हटेपछि वा असफल भएपछि पुनः त्यहीँ पदका लागि उ...

ad
x