×

Nic Asia
Marvel

वसन्त चौधरीको २ वटा कविता संग्रह सार्वजनिक

काठमाडाैं | पुस २०, २०७८

TVS INSIDE

उद्यमी तथा साहित्यकार वसन्त चौधरीको दुईवटा कविता संग्रह सार्वजनिक गरिएको छ । 

IME BANK INNEWS
morang Auto yamaha

‘तिमीविनाको म’ र हिन्दी भाषामा लेखिएको काव्यकृति ‘अनेक पल और मै’ मंगलवार काठमाडौंमा श्री लूनकरणदास-गंगादेवी चौधरी साहित्यकला मन्दिरले एक कार्यक्रम आयोजना गर्दै लोकार्पण गरेको हो ।


Advertisment
NMB BANK
Saurya island

नेपाल प्रज्ञा प्रतिष्ठानका कुलपति गंगाप्रसाद उप्रेती र वरिष्ठ कवि तथा कार्यक्रमका सभापति तुलसी दिवसले पानसमा बत्ती बालेर कार्यक्रमको शुभारम्भ गरेका थिए ।

काव्य कृति ‘तिमीविनाको म’की प्रकाशक मेघा चौधरीले प्रकाशकीय मन्तव्य राख्दै सामान्य अर्थमा पिताको पुस्तक छोरीले प्रकाशन गरेको भन्ने अर्थ मात्रमा यो पूर्ण नहुने बताइन् । उनले व्यापार व्यवसायमा भन्दा पिता साहित्य सिर्जनामा बढी रमाएको पाएकाले पिताको खुशीको माध्यम बन्ने प्रण गरेको बताइन् ।

Vianet communication
Maruti inside

उनले भनिन्, ‘बुबाको खुशीलाई मैले थप उजागर बन्न आफू प्रकाशक बनेकी हुँ, यो एक हिसाबको पुस्तान्तरण पनि हो ।’

उनले यी कविताहरू भावी सन्ततिहरूका लागि भाषाप्रतिको प्रेमका लागि समेत उल्लेखनीय हुने बताइन् । कार्यक्रममा उनले आफू बुबाको सपना भएको र बुबाको काव्यिक यात्रालाई आफूले समेत निरन्तरता दिने बताइन् ।

समीक्षात्मक मन्तव्य राख्दै  प्राध्यापक भुवना ढुंगानाले आफूले चौधरीको सबै कविता पढेको सुनाइन् । उनले ‘तिमीविनाको म’ कवितासंग्रह पढेपछि ‘ह्युमन नेचर’ बारे जान्न मन लागेको सुनाइन् । ‘व्यस्ततालाई चिरेर कसरी यस्तो राम्रो कविता लेख्न सके रु भन्ने लाग्यो,’ उनले भनिन्, ‘यस्तै धनबाहेक अरू के हो खुशी प्राप्त गर्ने भन्ने कुरामा साहित्य सिर्जना नै हो भन्ने पाएँ ।’

समालोचक ढुंगानाले सो काव्यकृतिमा प्रकृति, प्रेम, जीवनको मूल लक्ष्य, जीवनको खुशी समेटिएको बताइन् । कवितामा चौधरीले आफ्नो जन्मको बारेमा समेत लेखेको र आमाबाबुप्रति प्रेम दर्शाएको उनले सुनाइन् ।

साहित्य लेखन निकै गाह्रो हुने भन्दै प्राध्यापक ढुंगानाले कविता निकै सरल भाषामा रहेको र भाव निकै गहन भएको सुनाइन् ।

उनले साहित्यमा राजनीति नगरिने बताइरहे पनि केही राजनीतिक छनक भने देखिएको बताइन् ।

‘केही कवितामा चौधरीले राजनीतिक चिन्तन गरेको देखिएको छ,’ उनले भनिन् ।

कार्यक्रममा मुम्बई विश्वविद्यालय हिन्दी भाषाका अध्यक्ष प्रा.डा. करुणा शंकरले काव्यकृति ‘अनेक पल और मै’मा समीक्षात्मक मन्तव्य दिँदै चौधरीको कविता जीवनको अनुभवबाट सिर्जित हुनु नै उनको मुख्य विशेषता भएको सुनाए ।

उनको कविता पढ्दै गर्दा जीवनको पाना पल्टाइरहेको आफूलाई महसुस भएको उनले बताए । 

आफ्नो जीवन वा समय वा समयको अनेक पललाई चौधरीले पुस्तकमा काव्यात्मक शैलीमा राखेको प्रा.डा. शंकरको भनाइ छ । 

पुस्तकमा राखिएको कवितामा चौधरीले मुलुक, समाज, प्रेममाथि गहिरो चिन्तन गरेको उल्लेख गरे । 

कार्यक्रममा कविता संग्रहका लेखक चौधरीले लामो समयको प्रतीक्षापछि आज भेला हुने अवसर जुटेको बताए । उनले कोरोना महामारी र आफ्नो स्वास्थ्य अवस्थाका कारण पुस्तक सार्वजनिक हुन केही ढिलाइ भएको बताए । 

उनले मानव मन हरेक क्षण नयाँ-नयाँ सोचिरहने भन्दै सोचेर कहिल्यै नथाकिने बताए । ‘कसैको वियोगमा हामी भावविह्वल हुन्छौं भने केही नसोचेको पाएमा खुशी हुने हुन्छ, मेरो ‘तिमीविनाको म’ काव्यकृति तिनै भावनाहरूको सम्मिश्रण हो,’ उनले भने ।

‘अनेक पल और मै’मा आफूले हरपल नयाँ अवसरबाट गुज्रिरहने चरित्रलाई उतारिएको उनले सुनाए ।

मंगलवार लोकार्पण गरिएको चौधरीको ‘अनेक पल और मै’ काव्य संग्रहलाई  कलिङ लिट्रेचर फेस्टिवल  २०२१ पुरस्कार प्रदान गरिएको छ । 

भारतको उडिसामा भएको कार्यक्रममा चौधरीको सो कविता संग्रहलाई सम्मान गरिएको कार्यक्रममा जानकारी दिइएको थियो ।

कार्यक्रममा प्रमुख अतिथि गंगाप्रसाद उप्रेतीले चौधरीले कविता लेखनमा सिद्धि प्राप्ति गरिसकेको बताए । चौधरीको साहित्यमा जीवनलाई महान परिभाषा दिइएको उनले सुनाए ।

कार्यक्रममा उद्योगपति भएर पनि कला साहित्यलाई निरन्तरता हुनु उनको विशेष खुबी भएको भन्दै उप्रेतीले चौधरीको प्रशंसा गरेका थिए ।

कार्यक्रमका सभापति तुलसी दिवसले मान्छे हुनुको कारण नै उसमा निहित भएको सिर्जना भएको बताए । चौधरीको सिर्जनशीलता सबैतिर फैलिएको भन्दै कताकता आफूलाई ईर्ष्या पनि लागेको सुनाए ।

कार्यक्रममा कवि चौधरीको बारेमा वृत्तचित्र प्रस्तुत गरिएको थियो  ।

चौधरीको ‘तिमीविनाको म’ मेघा प्रकाशनले प्रकाशन गरेको हो भने ‘अनेक पल और मै’को प्रकाशन वाणी प्रकाशनले गरेको हो ।

यसअघि चौधरीका ११ कृति प्रकाशित छन् ।

TATA Below
NLIC
बैशाख २४, २०७९

हाँडेरोगका कारण युवावस्थामै दुवै कानको श्रवणशक्ति गुमाएका कवि तथा पत्रकार राजेन्द्र तारकिणीको उपचार सहयोगार्थ सहयोगको अपिल गरिएको छ । उनको उपचारका लागि सगरमाथा साहित्य प्रतिष्ठानले सहयोग संकलन अभियान शुरू...

बैशाख २८, २०७९

अन्तर्राष्ट्रिय नेपाली साहित्य समाजकी केन्द्रीय सदस्य कवि तारा अधिकारीको कविताकृति 'म भित्रको म' सार्वजनिक गरिएको छ । नेपाल प्रज्ञा प्रतिष्ठानका निवर्तमान उपकुलपति वरिष्ठ कवि डा. विष्णुविभू घिमिरेको प्रमु...

बैशाख २८, २०७९

चिनियाँ लेखक लाओ माद्वारा लिखित ‘एक असाधारण अन्तर्वार्ता’ कथा संग्रह प्रकाशनमा आएको छ ।  युयुत्सु आरडी शर्माद्वारा अनुदित सो संग्रहमा चीनको बेजिङस्थित रेनमिन विश्वविद्यालयका प्राध्यापक तथा विश्...

बैशाख २७, २०७९

श्री लुनकरणदास–गंगादेवी चौधरी साहित्यकला मन्दिरले तीन मूर्धन्य स्रष्टालाई एक भव्य समारोहका बीच सम्मान गरेको छ ।  साहित्यकला मन्दिर स्थापनाको २८ औं वर्ष प्रवेशको अवसरमा मंगलबार काठमाडौको अग्रवाल सेवाकेन्...

जेठ ४, २०७९

कवि तथा चर्चित गीतकार बसन्त चौधरीले २०७८ सालका लागि ‘छिन्नलता गीत पुरस्कार’ पाउने भएका छन् ।  गीत रचनाको विधातर्फको पुरस्कार तथा सम्मान चर्चित गीतकार चौधरीलाई प्रदान गर्ने छिन्नलता गीत पुरस्...

बैशाख २५, २०७९

राजनीति एउटा यस्तो शस्त्र जसको प्रहारमा कोही कोहीलाई सुखै सुख छ कोही कोहीलाई दुखैदु:ख छ सधै दिनभर हाँस्ने बोल्ने साथी आज साथी छैनन् अर्को पार्टीका कार्यकर्ता पो त फेरि केहीलाई जसरी नी चुनाव ...

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

जेठ १३, २०७९

नेपाली कांग्रेसमा आबद्ध हुनुभएका महानुभावहरू साथै मेरो बुवा (गोविन्दराज जोशी)का साथीहरू, मैले आदरणीय मानेका काका ठूलोबाहरू, मेरा बुवा र हामी सम्पूर्ण परिवारले ५० औँ वर्षसम्म तपाईंसँग एउटै यात्रामा प्रजातन्त्र...

यौन अपराधमा हदम्याद : नेपालको कानून र अन्तर्राष्ट्रिय अभ्यास

यौन अपराधमा हदम्याद : नेपालको कानून र अन्तर्राष्ट्रिय अभ्यास

जेठ १२, २०७९

जब कुनै आपराधिक घटनाहरू समाजमा उजागर हुन्छन् त्यसपछि मुलुकको विद्यमान कानूनले के भन्छ भन्ने प्रश्न उठ्न थाल्छ । कानूनमा कुनै खालीपन रहेछ भने अभियन्ताहरूले सुधारको बाटो देखाउँछन्। समाजको वास्तविक आवश्यकता यही रहे...

ओलीको 'पर्सनल अट्याक'ले रोक्न नसकेको रेनुको विजयी यात्रा

ओलीको 'पर्सनल अट्याक'ले रोक्न नसकेको रेनुको विजयी यात्रा

जेठ १०, २०७९

केपीबा (एमाले अध्यक्ष केपी शर्मा ओली) धेरैका बा थिए, तर कतिपयका लागि उनी बाजस्ता थिएनन् । मलाई लाग्छ, बा हुनका लागि आवश्यक गुण ओलीसँग छैन । बा त्यस्तो व्यक्ति हो, जसले सबैका छोराछोरीलाई आफ्नैसरह माया गर्छ,...

ad
x