मुलुक आर्थिक संकटतर्फ जाँदैछ तर सरकारले ल्याएको नीति तथा कार्यक्रमले भने त्यसको समाधान गर्ने गरी कुनै पनि कार्यक्रम नल्याएको नेकपा एमालेका नेता योगेश भट्टराईले बताएका छन् ।

भट्टराईले भने, ‘मुद्रास्फीति बढेको छ । पेट्रोलियम पदार्थको मूल्य आकाशिएको छ । विदेशी लगानी घटेको छ भने विदेशी मुद्राको सञ्चित डरलाग्दो गरी घटेको अवस्थामा सरकारले ल्याएको नीति तथा कार्यक्रमले त्यसलाई समेटेको छैन ।’ 

सरकारले संकटोन्मुख अर्थतन्त्रको समाधानको विकल्प कुनै नदिएको हुँदा यसअघि आफूले भनेजस्तै यो सरकार जति समय रहन्छ त्यति नै समयको बर्बादी मात्रै भएको टिप्पणीसँग भट्टराईले सरकारको नीति तथा कार्यक्रमलाई जोडेका छन् ।

उनले भने, ‘यो नीति तथा कार्यक्रम पनि त्यस्तै समयको बर्बादी मात्रै भएको हो ।’