नीता ढुंगानाले निर्माण गर्ने चलचित्रमा  भारतीय कलाकार अनुवन्धित भएका छन् । दक्षिण भारतीय फिल्म ‘पुष्पा’ का मुख्य खलनायक सुनील बर्मा फिल्म ‘ह्रस्व दीर्घ’मा अनुबन्धित भएका हुन् । 

ढुंगानाले दक्षिण भारतीय चलचित्र पुष्पाबाट खलनायकको रुपमा चर्चामा आएका कलाकार सुनिल वर्मा व्यस्तताका बाबजुद पनि समय मिलाई दिएकोमा आभार प्रकट गरेकी छन् । ह्रस्व दीर्घमा कलाकारको रुपमा वर्मालाई स्वागत पाउँदा उत्साही भएको उनले बताएकी छन् । 

८० दिनको कार्य तालिका बनाउँदै साउनबाट छायांकनमा जाने तयारी निर्माण पक्षको छ । फिल्ममा अभिनेत्री नीता ढुंगाना र हरिहर अधिकारीको पनि मुख्य भूमिका रहने बताइएको छ । 

यसअघि ‘गजनी’ फिल्ममा भिलेनको भूमिका निर्वाह गरेका प्रदिप रावत अनुबन्धित भइसकेका छन् ।