शनिवार राति मकवानपुर जिल्लाको विभिन्न क्षेत्रमा अति भारी वर्षा भएको छ । 

जल तथा मौसम विज्ञान विभागले राति १  बजे सूचना जारी गर्दै सो क्षेत्रमा अति भारी वर्षा मापन भएको जनाएको हो ।

मकवानपुरको मकवानपुरगढी र आसपासका क्षेत्रमा अति भारी वर्षा मापन गरिएको विभागले भनेको छ । 

विभागका अनुसार, मकवानपुरको कर्रा खोला, साम्री खोला, बकैया खोला लगायत आसपासको स-साना खोलामा आकस्मिक बहाव हुने सम्भावना छ । 

यी क्षेत्रमा सतर्कता अपनाउन समेत विभागले आग्रह गरेको छ ।