राष्ट्रिय जनमोर्चा पार्टीले समानुपातिक निर्वाचन प्रणालीतर्फको उम्मेदवारहरूको बन्द सूची बुझाएको छ । जनमोर्चाले निर्वाचन आयोगमा पुगेर सोमवार उम्मेदवारहरूको बन्द सूची बुझाएको हो । जनमोर्चाले प्रतिनिधि सभामा ११० जना उम्मेदवारको नामावली आयोगमा पेश गरेको छ । 

केन्द्रीय सदस्य लालबहादुर थापाका अनुसार प्रतिनिधि सभामा ११० जनाको नाम बुझाइएको छ । प्रतिनिधि सभातर्फ पहिलो नम्बरमा कार्यकारी अध्यक्ष रश्मिराज नेपालीको नाम राखिएको छ । 

जनमोर्चाले प्रदेश १ र मधेश प्रदेश सभामा भने उम्मेदवारको नामावली पेश गरेको छैन । बागमतीमा २६ जना, गण्डकी २४, लुम्बिनी ३५, कर्णाली १६ र सुदूरपश्चिम प्रदेशमा २१ जनाको नाम आयोगमा बुझाइएको थापाले लोकान्तरलाई जानकारी दिए । 

निर्वाचन आयोगले आइतवार र सोमवार समानुपातिक तर्फको उम्मेदवारको नामावली बुझाउने समय तोकेको छ । सोही अनुसार सोमवार सबै दलले उम्मेदवारको बन्द सूची बुझाउने तयारी गरेका छन् । केही दलले आइतवार नै बन्द सूची बुझाइसकेका छन् ।