हाल नेपालको मौसममा  हरियाणा आसपास रहेको न्यून चापीय क्षेत्रको प्रभाव रहेको जल तथा मौसम पूर्वानुमान महाशाखाले जनाएको छ । जसका कारण बुधबार बिहान प्रदेश १ र मधेश प्रदेशमा सामान्य बदली रही बाँकी प्रदेशहरूमा आंशिक बदली रहेको छ। यस्तै प्रदेश १ का केही स्थानहरूमा,  मधेश प्रदेशका थोरै स्थानहरुमा र बागमती प्रदेशका एक दुई स्थानमा हल्का वर्षा  भइरहेको छ। 

यस्तै दिउँसो प्रदेश १, मधेश प्रदेश,  बागमती प्रदेश र गण्डकी प्रदेशका केही स्थानहरुमा र बाँकी प्रदेशका थोरै स्थानहरूमा मेघ गर्जनसहित हल्का देखि मध्यम वर्षाको सम्भावना रहेको छ। 

यस्तै राति  प्रदेश १, मधेश प्रदेश, बागमती प्रदेश र गण्डकी प्रदेश प्रदेशका थोरै  स्थानहरूमा र बाँकी प्रदेशका एक दुई स्थानमा वर्षाको सम्भावना रहेको छ।