मंसिर २५, २०८०
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
असोज २६, २०७९
१ नम्बर प्रदेशबाट प्रतिनिधिसभा निर्वाचनमा ४ जना महिला प्रत्यक्ष चुनावी मैदानमा होमिएका छन् । नेकपा एमालेका २ र नेपाली कांग्रेसका २ जना महिला चुनावी दौडमा रहेका छन् ।
कांग्रेसका सीता गुरुङ र सुजाता कोइराला तथा एमालेका भगवती चौधरी र मञ्जु चौधरी चुनावी दौडमा छन् ।
नेपाली कांग्रेसकी केन्द्रीय सदस्य समेत रहेकी गुरुङ तेह्रथुमबाट चुनाव लड्दैछिन् । उनले एमालेका डा. विजय सुब्बासँग प्रतिस्पर्धा गर्नुपर्नेछ । समानुपातिक तर्फबाट संविधानसभा सदस्य भएकी गुरुङ प्रत्यक्ष तर्फबाट पहिलोपटक चुनावी मैदानमा आउँदैछिन् ।
२ पटक चुनाव जितेका सुब्बा तेस्रोपटक संसदमा छिर्नका लागि २३ वर्षपछि तेह्रथुमबाट लड्दैछन् । सुब्बाले २०४८ र २०५६ सालमा चुनाव जितेका थिए । २ पटक चुनाव जितेका सुब्बासँग गुरुङ पहिलोपटक चुनावी मैदानमा भिड्दैछिन् ।
एमालेको पकड मानिएको तेह्रथुममा २०१५ र २०६४ सालबाहेक सबै निर्वाचनमा एमाले विजयी हुँदै आएको थियो । एमाले फुटेको तथा माओवादीले साथ दिएकाले तेह्रथुमबाट कम्युनिस्टको विरासत तोड्ने कसरतमा सीता छिन् ।
मोरङको २ नम्बर क्षेत्रबाट सुजाता कोइराला चुनावी मैदानमा छिन् । उनको प्रतिस्पर्धा एमाले मोरङका अध्यक्ष ऋषिकेश पोखरेलसँग हुँदैछ । पोख्रेल र सुजाताको यो पहिलो भेट हो । पटक–पटक मन्त्री समेत भइसकेकी सुजाता पनि प्रत्यक्षतर्फ पहिलोपटक भिड्दैछिन् । यसअघि उनी समानुपातिकबाट संसद् छिरेकी थिइन् ।
अघिल्लो निर्वाचनमा मिनेन्द्र रिजाल विजयी भएका थिए । यो क्षेत्रमा कांग्रेसका तत्कालीन सभापति गिरिजाप्रसाद कोइरालाले चुनाव लड्ने क्षेत्र हो ।
विजयकुमार गच्छदार २०४८ सालको चुनावमा पहिलोपटक संसद् छिरे । त्यसपछिका सबै चुनावमा उनी संसद् पुगिरहन्छन् ।
२०४८ देखि २०७४ सालसम्म भएका सबै चुनाव उनले आफ्नो पक्षमा पार्दै आएका छन् । छैटौंपटक चुनाव जितेका गच्छदार सातौंपटक संसद छिर्ने प्रयासमा छन् । उनलाई संसद् छिर्न रोक्नका लागि नेकपा एमालेकी भगवती चौधरीले कसरत गरिरहेकी छन् । यसअघिका २ चुनावमा गच्छदारसँगै पराजित बनेकी भगवती तेस्रोपटक भिड्दैछिन् ।
२०७० सालको दोस्रो संविधानसभा चुनावमा ३६२ मतान्तरले चौधरीलाई गच्छदारले हराएका थिए । २०७४ सालको निर्वाचनमा ३२१ मतान्तरले भगवतीलाई नै उनले पराजय गरेका थिए । २०७४ सालको चुनावमा गच्छदारले मतगणनामा धाँधली गरेको भन्दै पराजित भगवती पुनः मतगणनाको माग राख्दै सर्वाेच्च पुगेकी थिइन् । त्यो मुद्दा अहिले पनि विचाराधीन छ ।
भगवतीले गच्छदारलाई रोकेर आफू माननीय बन्न तेस्रोपटक प्रयास गर्दैछिन् । यसअघि गच्छदार २०४८, २०५१, २०५६ र २०७४ सालका चुनावमा कांग्रेसबाट विजयी भएका थिए भने २०६४ सालको पहिलो संविधान सभामा मधेशी जनअधिकार फोरमबाट र २०७० सालको दोस्रो संविधान सभामा मधेशी जनअधिकार फोरम लोकतान्त्रिकबाट विजयी भएका थिए ।
उदयपुरको १ नम्बर क्षेत्रबाट मञ्जु चौधरी प्रतिस्पर्धा गर्दैछिन् । उनले परराष्ट्रमन्त्री नारायण खड्काको सामना गर्नुपर्नेछ । २०७४ सालको निर्वाचनमा तिनै खड्कासँग उनी पराजित बनेकी थिइन् । उनको यो तेस्रो प्रतिस्पर्धा हो । २०७४ सालको चुनावमा वाम गठबन्धनकी उम्मेदवार बनेकी चौधरी खड्कासँग ५४८ मतान्तरले पराजित भएकी थिइन् ।
उनी उदयपुर–२ बाट २०७० सालको निर्वाचनमा निर्वाचित भएकी थिइन् । खड्काले २०६४, २०७० र २०७४ सालका निर्वाचन जितेका छन् । खड्का चौथोपटक संसद् छिर्ने प्रयासमा छन् । २०७० सालमा भएको प्रतिनिधिसभा निर्वाचनमा उनले उदयपुर–१ बाट जीत हासिल गरेकी थिइन् । उनी यसअघि शहरी विकास राज्यमन्त्री समेत भइसकेकी छन् ।
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...