नवौं राष्ट्रिय खेलकुद प्रतियोगिताअन्तर्गत बिहीवार फेन्सिङमा तीन स्वर्णको नतिजा टुंगिदा बागमतीले दुई स्वर्ण र विभागीय टोली त्रिभुवन आर्मीले एक स्वर्ण जितेको छ । 

फेन्सिङको पुरुष टिम फोयलमा वागमतीले नेपाली सेनालाई पन्छाउँदै स्वर्ण पदक जितेको हो । बागमतीको यो फेन्सिङ तेस्रो स्वर्ण पदक समेत हो । पोखरा रंगशालास्थित ब्याडमिन्टन कोर्टमा भएको फाइनल प्रतिष्पर्धामा नेपाली सेनाले रजत पदकमा चित्त बुझाउँदा सुदूरपश्चिम र प्रदेश नं १ ले कास्य पदक प्राप्त गरेका छन् ।

महिला ईपी टिम इभेण्टको स्वर्ण भने नेपाली सेनाले जितेको छ । विभागीय प्रतिष्पर्धामा सेनाले सशस्त्र प्रहरी बलका खेलाडीलाई पन्छाउँदै स्वर्ण जिते । सशस्त्रले रजत पदकमा चित्त बुझाउँदा प्रदेश १ र सुदूर पश्चिमले कास्य पदक जिते । महिला सेबर टिम इभे प्रतिष्पर्धामा बागमतीले स्वर्ण, नेपाली सेनाले रजत र सशस्त्र प्रहरी तथा प्रदेश १ ले कास्य पदक जिते ।