प्रजातन्त्र दिवसको अवसरमा ३८१ कैदीहरुले माफी पाएका छन् । मन्त्रिपरिषद्को सिफारिसमा राष्ट्रपति विद्यादेवी भण्डारीले विष्णु कुमार लिम्बुसमेत ३८१ जना कैदीहरुको भुक्तान हुन बाँकी कैद मिनाहा गरेकी हुन् ।

नेपालको संविधानको धारा २७६, फौजदारी कसूर (सजाय निर्धारण तथा कार्यान्वयन) ऐन, २०७४ को दफा ३७ तथा ज्येष्ठ नागरिक ऐन, २०६३ को दफा १२ बमोजिम प्रजातन्त्र दिवसको अवसरमा कैद माफी गरिएको राष्ट्रपति कार्यालयले जारी गरेको विज्ञप्तिमा उल्लेख छ । 

कैद मिनाहा फागुन ७ गतेदेखि लागू हुने विज्ञप्तिमा उल्लेख छ ।