राप्रपा नेपालका अध्यक्ष कमल थापाले प्रदेश तहका संरचना आर्थिक र राजनीतिक रूपले बोझ बनेको टिप्पणी गरेका छन्। 

यी संरचना हटाउनेबारे विचार गर्न पनि उनले आह्वान गरेका छन्। 

सामाजिक सञ्जालमा थापाले राष्ट्रिय सुरक्षाको अन्तिम किल्लाको रुपमा रहेको नेपाली सेनाको संख्या घटाउने निरर्थक बहस गर्नुको सट्टा देशलाई आर्थिक र राजनीतिक बोझ बनेको प्रदेशतहको संरचना हटाउनुपर्ने अभिव्यक्ति दिएका हुन्। 

'के नेपालको निम्ति अर्बौं तलबभत्ता खाने करिब सयको संख्यामा प्रदेशमन्त्री र पाँचसय प्रदेश सांसद आवश्यक छ ? उनले सामाजिक सञ्जालमा प्रश्न गरेका छन्।

अध्यक्ष थापाले धर्मपरिवर्तनको डढेलोबाट सनातन धर्ममा गएको पहिरो तथा हिन्दु, बौद्ध र किराँतमा परेको नकारात्मक प्रभावको कारण राष्ट्रिय जनगणनाको नतिजा प्रकाशित गर्दा धर्मसम्बन्धी तथ्यांक सार्वजनिक हुन सकेन।

विश्वमा तीव्र गतिमा धर्मपरिवर्तन हुने देशहरूमा नेपाल एक नम्बरमा रहेको छ । सनातन धर्मको रक्षा गरौँ भनी अध्यक्ष थापाले आग्रह गरेका छन् ।