हिमालय लोकस्टारको उपाधि बलराम विश्वकर्माले हात पारेका छन् । ​

बुधवार बेलुका राष्ट्रिय सभागृहमा भएको ग्राण्ड फिनालेमा अन्य ५ प्रतिस्पर्धीहरुलाई उछिन्दै उनले उपाधि हात पारेका हुन् ।

उपाधिसँगै उनले १५ लाख रुपैयाँ नगदसहित अन्य पुरस्कार पनि प्राप्त गरेका छन् । 

त्यस्तै, पीएन साइँला फस्ट रनरअप घोषित भएका छन् । उनले ३ लाख रुपैयाँ नगदसहित अन्य पुरस्कार पनि प्राप्त गरेका छन् । सन्तोष क्षेत्री सेकेण्ड रनरअप घोषित हुँदै २ लाख रूपैयाँ प्राप्त गरेका छन् ।

दर्शकले दिएको भोटको आधारमा विजेता घोषणा गरिएको जनाइएको छ । हिमालय लोकस्टार हिमालय टेलिभिजनबाट प्रशारण हुँदै आएको थियो ।