इलाम अस्पतालको क्वार्टरमा आगलागी भएको छ । जिल्ला स्वास्थ्य कार्यालयभन्दा माथि रहेको अस्पतालको क्वार्टरसँगै जोडिएको भान्साघरमा मंगलवार आगलागी भएको हो ।

त्यहाँ पाँच परिवार बस्दै आएको इलामका प्रमुख जिल्ला अधिकारी (प्रजिअ) इन्द्रदेव यादवले लोकान्तरलाई जानकारी दिए ।

करिब दिउँसो २ बजेतिर लागेको आगो नियन्त्रणमा आएको छ । आगो निभाउने क्रममा एकजना प्रहरी घाइते भएका छन् ।

अन्य क्षतिको विवरण भने आउन बाँकी छ ।