सहसचिव प्रदीप परियार काठमाडौं महानगरपालिकाको प्रमुख प्रशासकीय अधिकृतका रूपमा सरुवा भएका छन् ।

मन्त्रिपरिषद्को बिहीबार बसेको बैठकले परियारलाई राष्ट्रिय योजना आयोगबाट महानगरमा सरुवा गर्ने निर्णय गरेको हो ।

महानगरका प्रमुख प्रशासकीय अधिकृत वसन्त अधिकारीलाई भने मधेशी आयोगमा सरुवा गरिएको छ । 

महानगर प्रमुख बालेन साहले अधिकारीलाई हाजिरी गर्न नदिएपछि यो विषय निकै चर्चित बनेको थियो ।

कर्मचारीकी छोरीलाई जागिर लगाउने उद्देश्यले नगर सभाको निर्णयमा गरिएको कीर्तेलाई प्रमाणीकरण गरेको भन्दै बालेनले अधिकारीको कार्यकक्षमै ताला लगाएका थिए ।

२९ जना सहसचिवको सरुवा गर्दा नारायणप्रसाद रिसाल गृहमन्त्रालय वा अन्तर्गतका कार्यालयमा सरुवा भएका छन् ।

सेवन्तक पोखरेललाई संघको अर्थ मन्त्रालयबाट मधेश प्रदेशको अर्थ मन्त्रालयमा प्रदेश सचिवका रूपमा सरुवा गरिएको छ ।

अध्यागमनबाट तानेर जगेडामा राखिएका झलकराम अधिकारीलाई नेपाल ट्रस्टको कार्यालयमा सरुवा गरिएको छ ।

मन्त्रिपरिषद्बाट बिहीबार निर्णय भएपछि शुक्रबार प्रमाणीकरण भएर संघीय मामिला मन्त्रालयमा आएको छ ।

हेर्नुहोस्, सूची :