सशस्त्र प्रहरी बल (एपीएफ) को सतुंगलस्थित स्टोरमा भएको आगलागीबारे अनुसन्धान गर्न समिति गठन हुने भएको छ । 

सोमवार साँझ काठमाडौंको सतुंगलस्थित एपीएफको गोदाममा आगलागी भएको थियो ।

स्टोरमा आगलागी भएकाले मानवीय क्षति नभएको सशस्त्र प्रहरी बलका प्रवक्ता राजेन्द्र खड्काले बताए ।

'के-कसरी आगो लागेको हो, अहिलेसम्म थाहा भएको छैन', उनले लोकान्तरसँग भने, 'स्टोरमा राखिएको लजिस्टिकमा आगो लागेको हो । त्यसबारे एआईजी साप'को नेतृत्वमा अनुसन्धान हुने भएको छ ।'

कसको नेतृत्वमा भन्नेबारे भने उनले खुलाएनन् ।

यो समाचार तयार पार्दासम्म आगो नियन्त्रणमा आइसकेको छैन ।

अहिले चार वटा दमकलको सहयोगमा आगो नियन्त्रणको प्रयास भइरहेको प्रवक्ता खड्काको भनाइ छ ।