​ललितपुरको गोदावरीस्थित तपेश्वर जंगलमा लागेको आगो निभाउन गएका २ जना घाइते भएका छन्।​

जंगलमा मंगलवार दिउँसो लागेको डढेलो निभाउन गएका ​शंकर पहरी र रमेश पहरी घाइते भएका प्रहरीले जनाएको छ ।​​

जिल्ला प्रहरी परिसर ललितपुरका एसपी नरेशराज सुवेदीका अनुसार ​उनीहरूलाई कीर्तिपुरस्थित बर्न अस्पताल पठाइएको छ ।

आगो आनन्दवनस्थित कुष्टरोग अस्पताल नजिकै फैलिएपछि अस्पतालका ९३ जनालाई सुरक्षित स्थानमा सारिएको छ ।

ललितपुर प्रहरी प्रमुखसहितको टोली अहिले घटना स्थलमा पुगेको छ ।