गत शुक्रवारबाट प्रदर्शनमा आएका दुई नेपाली फिल्मले अपेक्षित व्यापार गर्न सकेका छैनन् । ‘नीरफूल’ र ‘वेलकम टु हेम्जाकोट’दुई वटै फिल्मको ओपनिङ कमजोर रहेको हो । 

चलचित्र विकास बोर्डको बक्स अफिस रिपोर्टअनुसार दयाहाङ राई स्टारर ‘नीरफूल’ले दुई दिनमा १४ लाख रूपैयाँ कमाइ गरेको छ । 

त्यस्तै, बुद्धि तामाङ स्टारर ‘वेलकम टु हेम्जाकोट’को दुई दिनको कमाइ साढे दुई लाख रूपैयाँ पनि छैन । दर्शक नआएपछि यो फिल्म धेरै हलबाट उत्रिसकेको छ । 

वैशाखमा प्रदर्शनमा आएको ‘जारी’पछि कुनै पनि नेपाली फिल्मले राम्रो व्यापार गर्न सकेका छैनन् ।