निर्वाचन आयोगले निर्वाचन आचारसंहिता राजपत्रमा प्रकाशित गराएको छ । मंसिर ४ गते हुने प्रदेश तथा प्रतिनिधिसभा निर्वाचन प्रयोजनार्थ आयोगले सोमबार आचारसंहिता प्रकाशित गरिएको हो ।  

निर्वाचनमा स्वच्छता, निष्पक्षता, पारदर्शिता तथा भयमुक्त वातावरण कायम राख्न आवश्यक हुने भएकाले निर्वाचन ऐन, २०७३ को दफा २२ ले दिएको अधिकार प्रयोग गरी आचारसंहिता बनाइएको आयोगको भनाइ छ । 

आचारसंहिताको नाम ‘निर्वाचन आचारसंहिता, २०७९’ रहेको छ भने जुन आयोगले निर्णय भएपछि लागू हुनेछ ।