गायक युवराज मगरले नयाँ गीत सार्वजनिक गरेका छन् ।

टीका प्रसाईं र उनको स्वरमा ‘प्लिज नभन है हुन्न’ बोलको गीत सार्वजनिक भएको हो ।

नयाँ वर्ष २०७९ को अवसर पारेर युवराजले बिहीवार यो गीत सार्वजनिक गरेका हुन् ।

एकनारायण भण्डारीको शब्द, गायक युवराजकै संगीत रहेको गीतलाई उदयराज पौडेलले एरेन्ज गरेका हुन् । 

डान्सिङ विटको गीतलाई गायक युवराज स्वयंले निर्देशन गरेका हुन् ।

भिडियोमा अभिनेता पल शाह र मोडल शुभेक्षा मगर भारतीको अभिनय छ ।

भिडियोमा गाउँको युवा र शहरकी युवतीबीचको कथालाई प्रस्तुत गरिएको छ ।

मोर्डन र मौलिकपन दुवैलाई गीत र भिडियोमा प्रस्तुत गरिएको गायक एवं निर्देशक युवराजले बताए । ज्ञानेन्द्र शर्मा हुमागाईँको छायाँकन, सन्तोष राजबहाकको कोरियोग्राफी रहेको भिडियोलाई विकास ज्ञवालीले सम्पादन गरेका हुन् ।